Browsing by Author "Maharani, Hadija S"
Now showing 1 - 1 of 1
Results Per Page
Sort Options
Item Usawiri wa mhusika mtoto wa kike katika ngano za kingoni(University of Dar es Salaam, 2018) Maharani, Hadija STasnifu hii ni zao la utafiti kuhusu usawiri wa mhusika mtoto wa kike katika ngano za Kingoni. Tasnifu imechunguza namna mhusika mtoto wa kike anavyosawiriwa katika ngano za Kingoni kupitia sifa zinazombainisha mhusika huyo pamoja na dhima za usawiri wake. Data za utafiti huu zimekusanywa kutoka uwandani, na mbinu zilizotumika kukusanyia data hizo ni mbinu ya usikilizaji wa simulizi za ngano na mbinu ya mahojiano. Nadharia ya Uhalisia imemwongoza mtafiti katika uchambuzi wa ngano tano zilizoteuliwa. Uchambuzi wa ngano hizo umebainisha kwamba, mhusika mtoto wa kike katika ngano za Kingoni amesawiriwa kuwa ni kuimbe mwenye mapenzi ya dhati, mkaidi kwa wazazi wake, chanzo cha matatizo, mzinifu, mwongo, na mtumishi wa kazi za nyumbani. Kwa upande mwingine, imegunduliwa kuwa usawiri wa mhusika mtoto wa kike katika ngano za Kingoni zilizochunguzwa, unabeba dhima ya kuibua dhamira, kubainisha migogoro na masuluhisho yake, kuibua hisia kwa hadhira, kubainisha falsafa ya jamii, kuwatambulisha wahusika wengine, kuleta usikivu kwa hadhira kwa kuijengea taharuki pamoja na kutoa mafunzo katika jamii husika. Kwa kumalizia, utafiti umetoa hitimisho la jumla la tasnifu nzima na kupendekeza maeneo mengine ambayo yanahitaji kufanyiwa utafiti zaidi.